Viva Las Vegas

hello!
nachdaem ig dr duetsch us fehrman z hollywood troffe ha hei mir ues gmeinsam ufe waeg nach las vegas gmacht. d gambling-hoelle schlechthin. uebernachtet hei mir im sin city hostel... dr name seit jo scho alles ;) dr erscht tag si mr eifach nume umegloffe u hei dr strip, d strass a daem all beruehmte casinos si, besichtigt. u da las vegas mitts ir wuesti isch, ischs verdammt heiss gsi. drum hei mr nachere abchuelig gsuecht. i uesem hostel hets keis swimmingpool gha, derfuer hets jo gnueg anderi 4-5 staerne hotels ume. do si mr eifach stinkfraech iz naechscht beste hotel spaziert, richtig swimmingpool, si doerte a de badmeister verbigloffe u heis ues gmuetlich gmacht :) viva gratis bade! a propos gratis... im hotel mirage hei mr ou gratis e delphin-show agluegt wo eigentlech 15$ choschtet haett... dr zun isch keis hindernis gsi fuer ues :)
jetz meh zu de casinos. entweder me gamblet bis zum geht nicht mehr u verlochet abartig viel gaeld, oder me machts uf d backpacker art u profitiert vo de casinos. mir hei luet gseh wo i 5minute hunderti vo dollar hei verspilt. mir heis so gmacht dass mir a ne 1$ outomat si gange u um 1 cent isaetz hei gspilt... do chasch locker e stund am outomat verbringe, maengisch gwinnsch u maengisch verluersch, aber z geile dranne isch, dass de gratis z trinke berchomsch. e serviertochter chont regumaessig verbi u frogt ob de oeppis z trinke wosch, me berchomt alles, bier, long islands, bacardi-cola. das heisst wenn de glueck hesch gisch a eim obe 2-3$ a de outomate us u betrinksch di doerte :) ps. i de casinos hets kei uhre u kei faenschter, das heisst du hesch voll kei plan was fuer ziet dass isch, u da d casinos nie zue hei wirsch ou nie usegschosse...
ig ha mr e limite vo 50$ gsetzt zum vergamble u die hani ou ighalte... natuerlich hani alles verlore. blackjack hani paech gha, roulette isch ou nid grad mis spil gsi... u poker waer z tuer gsi drum hanis grad gloh.
mir hei ou voll cooli luet im hostel kenneglernt, e schwitzer us basu, hollaender u e duetsche. mit dene si mr ou am meischte unterwaegs gsi.
dr letsch obe isch geil aber ou scheisse gsi fuer mi. z hostel het e limousine-tour organisert u da si fasch all mitgange. ig ha mis zuegs im zimmer gloh, inkl. mim gaeld (ig bi am gliche tag 400$ ir bank go abhaebe) u bi mim paech het mir oepper 300$ usem rucksack chlauet.
das isch auso las vegas gsi, sin city pur, wos kei regle git, u kei moral u kei sitte herrscht. ueberall gsehsch puffs, drive-thru-wedding-chappels, dealer u bsoffni tourischte.
fazit: viva las vegas

Los Angeles, Hollywood

hi all
so mi 2t stop z kalifornie isch los angeles, gnauer gseit hollywood gsi. hie isches scho es paar grad waermer. die stadt isch so abartig gross dass es stunde brucht mitem bus vo eim ort zum andere z cho, drum hani mi uf d umgaebig vo hollywood konzentriert. z hostel wo ni bi gsi isch cool gsi, usa hostel (www.myspace.com/jokehead) die hei doert 2 mol ir woche sone comedy-night, dr link obe isch es bispil wies doerte abgeit :)
z hostel het ou no e hummerlimo-tour organisiert, wo ig natuerlich ha muese derbi si... do si 18 luet vom hostel im hummer duer d stadt gfahre u dr luxus lo usehaenge, ps. es het no gratis champagner gaeh, all-you-can-drink natuerlich :)
schuesch bini halt wider viil umegloffe. z beverly hills bini gsi, am beruehmte rodeo drive wos nume laede wie gucci, d&g, versace usw git u die riiche u schoene ichoufe. beruehmts hani leider niemert gseh. naer bini ou no id ville gaegend go umeschlendere u ha d playboy-mansion vom hugh hefner ufgsuecht... gseh hani aber nuet, isch alles hinter buesch u zuen versteckt :(
am letschte tag vo mim hollywood ufenthalt, sonntig 3 juli, si grad d mtv movie awards im universal studio z hollywood gsi... das hani mir uf kei fall woelle la entgoh u ha mi ufe waeg gmacht zur party, inecho bini natuerlich nid derfuer hani dr borat gseh wi ner d party verloht u i sini limo stigt.
ansonste isch los angeles, hollywood, nuet speziells. ig ha mr alles chlei schoener vorgstellt. dr walk of fame, aso doert wo all staerne vo de beruehmtheite si, isch draeckick u stink u es hange komischi luet umenand. dr sunset strip, doert wo die beruehmte clubs, bars u restaurants si isch ou beschisse. fuere ganz sunset strip bruchsch oeppe e stund z loufe, u i dere stund hani genau oeppe 10 persone chruezt, derfuer si d strosse voll vo outos. z LA louft drum kei sou, all fahre outo.
z LA hani naer ou e duetsche kenneglernt, mit daem reisi jetz bis aends monet d westchueschte entlang bis nach san francisco.

San Diego / Tijuana, Mexico

Whats up switzerland?
sorry dass i so lang nuet inegschribe ha, isch drum nid eifach gsi do hie z kalifornie gratis internet z finde (ps. mir si im geburtsort vom internet...)
so mi erscht stop z kalifornie isch san diego gsi, z erschte wo mr hie ufgfalle isch isch, dass es verdammt chalt isch... ha no am flughafe d jacke muese usehole :( ca. 16grad gsi. z san diego bini 4 taeg z downtown verbracht u 2 taeg am strand. downtown isch nuet speziells derfuer isch dr strand umso geiler... zum glueck hani mit dr corrine, kollegin vo biel wo z san diego sprachschuel macht, kontakt choenne ufnaeh u si und ihri kollegin hei mir fasch all straend vor umgaebig zeigt. dr strand a daen ig 2 taeg ha verbracht het ou no grad e surfcontest stattgfunde. komisch isch gsi dass nume die "wisse" am surfe si gsi... das heisst all iwanderer, mexicaner, si am pier am fische gsi, u das si nid grad wenig gsi, oeppe gaege die hundert.
krass isch no gsi dass es nazis gha het am strand wo e hippie zaemegschlage hei... dr eint mitemne riise hackechruez ufem ruecke isch voll bsoffe gsi u het sech nuemme under kontrolle gha :( naja si halt dummi luet mitere hohle birre wo nume choei hasse...
ansonste hani nid vil gmacht, umegloffe, isch scho anders weme elei am umereise isch als z zwoeit...














tijuana mexico
z hostel i daem i bi gsi het ou e tagestrip uf tijuana mexico organisiert, do hani natuerlich nid choenne faehle... vili hei mr dervo abgrate, aber ig has muese gseh. uf mexico z cho bruchsch mitem traemmli oeppe e halb stund vo san diego u es isch oeppe z eifachschte uf dr waelt, kei kontrolle nuet, nume es tor hei mr muese passiere. keini 5 minute z tijuana hets mi scho agschisse. jede wot dr oeppis adraeie, si packe di fasch am arm u wei di i lade ziehe damit de ihre ramsch aluegsch u choufsch... mir si aebe nume iz tourischte-tijauna, es git no es downtown, doert wo di iheimische laebe, doert si mr aber nid haere. naer isch z aesse agseit gsi, do hani gmeint, dass i fuer wenig gaeld vil cha aesse... z gaegeteil isch dr fall gsi. fuer e taeller mit wenig druffe u es cola hani 13$ zahlt!! meh als ig i mim ganze usa-trip fuers aesse ha usgaeh!!! do hets mr ganz abgloesche u ig ha numeno zruegg woelle. das isch aber nid so schnaell gange, wil all die illegale iwanderer ar graenze agstande si ;)
fazit vo mim trip: es het sech nid glohnt!!

Miami, South Beach

whats poppin` switzerland!?!?

wie scho atoent isch letscht woche miami beach agseit gsi. heimat vom el grande scarface, vom art deco oceandrive, lowriders, latinos, strand, party u schoene froue... Am erschte tag z miami hei mr am strand e kubaner, dr umberto, kenneglernt. mit ihm si mr ou am obe eis go zie ine schwule-bar (zu uesere entschuldigung: das isch die einzigi bar gsi wo am sonntig obe um die zit no offe het gha, mir si eifach dusse ghocket u hei de schwule zuegluegt wie si dinneh bim karaoke si abgange hehe). dr umberto het ues no verzellt dass er am vorobe 2 schwitzer hockey spiler het kenneglernt, nach langem umeraetsle hei mr usegfunde dass dr eint dr ronny rueger isch gsi, ex lugano goalie.

z erschte hostel wo mr uebernachtet hei isch chlei tuer gsi u deswaege si mir naer iz jazz-hostel gwaechslet. das isch e sehr guete entscheid gsi, wils eifach es geils hostel isch. am obe hocke all hostelbewohner dusseh u mir hei super neui luet kenneglernt. mitemne duetsche wo usgseht wie dr detlef-d-soost, earnie, er studiert z montral film, mit ihm si mr am meiste abghange. naer hets no easy hollaender gha, zwoei 2meter franzose, dr eint taenzer u dr ander basketballspiler, e iheimische choch us puerto rico wo immer zu ues isch cho chille, brasilianerinne wo mir cho-cha-tanze hei bibracht, dr renzo e peruaner wo z miami bueglet, e duetsche wo doert schaffet u wo am d-flame(duetsch rapper) si best kolleg isch, usw...
das hostel isch eigentlech es party hostel, si organisiere jede obe party-toure wo me billiger id clubs cha. a eim obe si mir ine club mitem name the mark, wo mr inecho si hets ues vo de socke ghoue, d disco isch igrichtet gsi wie e schwitzer apres-ski-bar. ueberall schwitzerfahnene, bilder vo skifahrer u ab und zue hei si sogar d schneemaschine agloh u es het fuer es paar minute gschneit :)
amne andere obe si mr iz dek23, e vip-schuppe wo eis bier 8$ choschtet... zu uesem glueck isch naer aber dr strom im ganze block usgfalle u naer hets open-bar gaeh, das heisst all drinks gratis. jaegermeister shots, bacardi colas u coronas si d gurgle abegflosse wie nuet :)

schuesch si mr meistens am strand abghange u hei d sonne gnosse... uf miami downtown si mr ou einisch aber das isch neut speziells gsi... eifach ei riise boustell, oeppe 8 wolchechratzer wo am boue si gsi, sicher drogegaeld wo si so wasche...

miami beach isch ou dr ort wo dr silvan u ig trennti waege si gange, er isch no zu sine bekannte uf north palm beach florida, u i ha dr flug uf san diego gnoh...

das isch mou gnueg fuer huet, i gange jetz californie go gniesse ;)

peace mischu

Gram`s Place, Tampa Fl

hello switzerland
hie chont e iitrag zum geilste hostel uf dr waelt... sorry ufem planet pluto... scho vo dusse erkennt me dass me amene spezielle ort aglangt isch, u we me erscht mou dinneh isch de houts eim grad vo de schueh... z hostel isch e waelt fuer sich, d musik spilt tag u nacht, d zimmer si abgspacet. eis zimmer isch igrichtet wie es zugabteil, eis zimmer isch es bungalow u es anders isch z rock`n roll zimmer. grams place isch sogar ufteilt i bezirke, me cha vo little amsterdam (redlight district) uf little montreal.

jetz zum bsitzer vom hostel, mark holland. fuer mi isch er dr inbegriff vom wort "GRILLED". vo sich saelber seit er: "i`m a 56 years old, mentally 15 years old, professional -off". zum schaffe het er kei bock, er duet regumaessig "medication" (alk & droge) inaeh u macht houptsaechlech musik. er laebt dr -drugs&rock`nroll u findet d usa zum chotze. vorallem wie er saelber seit dr dictator wo z land regiert. sire meinig nach isch d usa "full of ". aber wie gseit, i findene e geile siech. er lebt voll i sire eigete waelt u blockt alles ab wo vo usse chont.

z erscht hei mr fuer 2 naecht buechet u si schlussaendlech fasch e woche blibe, wils eifach so gmuetlich doert isch. i woerter chame gram's place gar nid beschribe, aber i ha doert es zitat glaese wo raecht guet zuetrifft: "it's a place where the time stands still but the music keeps playing". benannt isch z hostel nachemne junge musiker names gram parsons, wo i de 60er u 70er johre glaebt het u mit vilne andere grosse kuenstler zaeme musiziert het.

das isch oeppe das woni zu grams place cha saege. d stadt, aso tampa saelber isch nuet speziells. ei tag wo mr a strand si gange hei mr chum hundert meter sicht gha wiu alles verrouchet isch gsi, halb florida het drum broennt... vo tampa hei mr naer dr zug nach miami beach gno, aber do derzue wider es anders mou meh.

peace
mischu

Dirty South

whats up in switzerland??

letscht woche hei mr vo washington dr bus uf savannah gnoh. mr hei aber no e abstaecher uf newport news gmacht. dr silvan haett doert no e kontaktperson gha, das het aber nid klappet. nachdaem ues doert e chli-gangsta gseit het, dass d chance gross isch dass mr hie usgroubt waerde hei mr entschide dass mr dr nachtbus uf savannah naeme... savannah isch cooli stadt, halt voll suedstaate-style, relaxt u heiss. doert hei mr ues ou ufs forrest-gump baenkli gsetzt u eifach nume chillet...

genau a daem weekend hei si ou no es chlises stadt-festli gha u d studaente hei no ihre abschluss gfiiret. ueberall si limousine umegheizt, dr hammer si d hummer-limos gsi, vo dene hei mer oeppe 4 gseh a eim obe... z vil gaeld die verhaetschlete kiddys. am obe si mr no es bierli go ha (e baecher nume 2$) ine rocker-bude, doert het mir e bsoffne 60jaehrige ami witze verzaellt woni nid checket ha, ig ha eifach nume brav gnickt und uf d glageheit gwartet mi usem stoub z mache... lang haett er sech eh nuemme ufem stuehl choenne halte.. ajo, es riise fuerwaerch hei mr ou no gseh

denn nach 3 taeg savannah hei mr ues naer ufe waeg uf tampa gmacht. uf was fuer es hostel mir doert troffe si isch eifach dr hammer... aber derzue meh naechscht mou. choeit schuesch im netz luege, es heisst grams place :)

ok machets guet u bis gli wider

NHL: New Jersey Devils

obwohls scho lang haer isch wo mr z new jersey si gsi, hie glich no chlei drueber. dr silvan brucht aube raecht vil zit im netz drum muesi mini zit ou chlei totschlah ;)

new jersey isch oeppe 500meter vo manhattan entfaehrnt aber total anders. mache chame doert eigentlech nuet. mir hei aber natuerlech wider mou oeppis gfunde: nhl playoffspil new jersey devils gaege ottawa senators. eigentlech hei mr d new york rangers woelle go luege, das spil isch aber scho usverchouft gsi. gseh hei mr 4 mal 20minute plus 3minute im 5te drittu.

5 sekunde vor schlusspfiff hei d kanadier no dr usglichstraeffer gschosse, drum si mr naer i gnuss vor verlaengerig cho u ir nhl geit die so lang bis es goal fallt. die 60 $ hei sech gloht, mir hei es super spil gseh :) mues aber saege dass si in sache stimmig niemals mit em ehcb choei mithalte... ueber z spilniveau muesi nid vil sage, isch eifach hammer was die alles choei