www.tipponline.ch

an all meine blogger: geht auf www.tipponline.ch und tippt wie die EM 08 ausgehen wird!
tolle seite!!
grüsse
michel

New York City: Letzer Abschitt

so hie wär no mi letscht u ändgültig letscht itrag vo mim usa trip wo äuä sowieso niemer me läse wird. aber i verspüre halt z innere bedürfniss mini erfahrige no id tastatur z schloh. wird äuä meh e melancholisch/philosophische text wili mi nümm gnau a d details erinnere...

die letschte 2 woche vo mim trip hani no z new york verbrocht. dr erscht tag no elei u die räschtlichi zit mitem schävu, wo mi jo isch cho bsueche. da ig mir jo gseit ha dass i die letschte woche no chlei zügs wot ichoufe si mr i vili läde gange. schlussändlich hani doch nid so viel chouft, es paar shirts u eis paar schueh. dr schävu het do um einiges meh gas gäh. ehrlich gseit muesi säge dass i schüsch scho gnueg gäld fürs reise ha usgäh. ansonschte si mr no iz empire state building, iz museum of modern art (wo dr schävu früechzitig het verloh), ufd brooklyn bridge, staten island ferry, ground zero und hei natürlich no z nachtläbe gnosse.

zum schluss muesi eifach säge: die 3 mönet si verdammt schnäll verbi gange. jetz hocki scho dohie z colmar u foh e neue läbensabschnitt a. u scho si fasch wider 3 monet verbi wo i vo de usa bi zrügg cho. d zit louft witer u witer. während em reise hani ou viel sache neu begriffe, vorallem für mi usegfunde was wichtig isch, u was viel z viel überschätzt wird. d usa isch eigentlech es perfekts bispil derfür was dass uf dere wält schlächt louft, aber im gägezug ou was guet louft u wis eigentlich sött si. dr konsumüberfluss u z sträbe nach riichtum hei hie klar überhand ergriffe. het me kei gäld isch meh e nichtsnutz, wot me nid riich u mächtig wärde wird me schreg agluegt. aber i gloube, dass es i dere hinsicht ide nächschte paar jahre e umschwung wird gäh, wil immer wie meh sich vo däm läbensstil abgränze u ihn ou verurteile. i gloube dass die nächschti generation meh uf mönschlichkeit, solidarität u mitgfüehl wird setzte. u die wärte wott ig ou bi mir ganz fescht ihalte, damit ig nid nume wie ne qwacksalber töne sondern das ou umsetze, füre läbenswärteri wält.

so gnueg umephilosophiert, hie no es paar föttelis vo mine letschte 2 woche z new york mitem schävu. peace out!

Montreal, Quebec, Kanada

z montreal acho hanis mir erscht mou im hostel gmuetlich gmacht. die erschte 2 tag hani es ganzes stockwaerch fuer mi elei gha, das isch grad das gsi woni brucht ha, zit fuer mi elei. billig isches ou no gsi, wils imene arbeiterviertu usserhalb vom zaentrum glaege isch. woni naer gnueg ha gha vom gruch nach fruescher farb, z hostel isch neu gstriche gsi, hani mi ufe waeg id innestadt gmacht. wil z waetter scheisse isch gsi bini ines cafe u ha dr ganz nommitag a mim buech glaese. gaege obe bini naer no z internationale jazz festival go aluege, wil i glaese ha, dass e cooli jazz band uftritt (dr bob dylan isch ou uftraette dae haetti gaern gseh, aber 1. bini z spot acho u 2. waers sowieso z tuer gsi...). doerte am hoeckle gloubet dr nid waer dass ig troffe ha. i luege id moenschemasse use u gseh sone typ wo breit usschloht bim loufe... bim gnauere haereluege hanis fasch nid choenne gloube: silvan isch ou z montreal!!!! er isch ou vor churzem hie acho, mitem outo wo er z quebec city chouft het. dae souhund het wuerklech es outo chouft, e schrottchischte, isch aber guenschtig gsi. mir hei entschide, dass mir die naechschte tage zaeme abhaenge u somit het er ou i mis hostel gwaechslet. die naechschte tage hei mr d stadt erkundet u dr silvan het mi i die kulinarischi spezialitaet vo quebec igfuehrt: poutine = pommes mit bratesauce. aesse chames nid wuerklech mit gnuss und usgseh duets wienes schlachtfaeld. egal, houptsach es saettiget.
mitem silvan sine franzoesische kollege, woner ueber z couchsurfing het kenneglernt, si mr ou einisch go aesse u hei ues z fuerwaerch inezoge, wo jedes wocheand im sommer stattfindet. abgseh vom fuerwaerch isch extrem was z montreal alles los isch: z groeschte jazz festival vor waelt, paradene, es dutzend konzaert u schuesch no festli u verastaltige. das isch typisch fuer quebec, die franzoesisch sprachigi region vo kanada, z deheime vo uesem stadtheld: alexandre tremblay. (tremblays triffsch hie tusigi a, ou dr buergermeister vo montreal heist tremblay u tremblay isch ou e biermarke).
nid nume d sprach sondern ou d mentalitaet vo de quebecois isch ganz anders als vom raescht vo kanada, gschwige denn vo de usa. d luet hie si froendlich, hilfsbereit, locker druffe u offe: churz gseit eifach geili sieche! es isch natuerlich ou vo vorteil gsi, dass i franzoesisch ha gredt, gaege die englisch spraechende si si scho chlei negativer igstellt, hei si sech doch vor ca 40 jahr vo kanada woelle trenne u es eigets land, quebec, gruende. bimene referendum het sech z volk aber dergaege entschide, weniger als 1% hei dr unterschied usgmacht.
am letschte tag, wo mi dr silvan zur busbahnhof het woelle fahre, het si schlitte uf halber strecki dr geist ufgaeh (siehe foto) und ig ha doerfe stosse. dr charre isch abgschleppt worde u ir garage hei si dr alternator muese uswaechsle...
am silvan hani no vil spass gwuenscht bi sire witere reis quer duer kanada und ha mi nachtbus nach new york gnoh, wo die letschti station vo mire reis isch, wo i mitem schaevu verbringe.

Toronto, Kanada

z toronto, dr groeschte stadt z kanada, hei mr 2 tag verbracht. eigentlech z vil zit gha, denn toronto het nid wuerklech vil z biete. mire meinig nach isches wider e charakterlosi grossstadt, wo im schatte vo de eigete hochhueser versinkt. z toronto hei mr no mit em sohn vor schwoeschter vom jacek sim kolleg abgmacht u dae het ues no chlei ir statd umegfuehrt. zitglich het ou grad d u-20 wm stattgfunde. nach toronto hani entschide no uf montreal z go, wiu i vo allne nume guets ueber die stadt ghoert ha.

Niagara Falls, Kanada

nach nid ganz ere woche chicago, hani mi mitem jacek ufe waeg nach kanada gmacht. z erscht si mr fuer ei tag ad niagara falls. das isch z groeschte naturwunder woni jeh ha gseh, bis mir gseit isch worde, dass es eigentlich gar nid natuerlich isch. d niagara faell si e kuenschtliche kreislouf, z wasser wo abefliesst wird wider ufepumpet, dermits wider schoen u starch abefliesst fuer d touriste... obwohls nid ganz natuerlich isch, hets mi glich fasziniert. mir hei ou e bootstour bis zu de faell gmacht u sogar bis zu de faell choenne loufe, resp. mir si unter d faell go stoh! obwohl ig e schutzweste ha gha, bini halb nass worde, wil z wasser mit voller wucht uf mi prallt isch. am gliche tag, 1. juli, isch ou no grad dr kanadisch nationalfiirtag gsi. tuusigi luet si uf de strasse umegrilled u hei sech z fuerwaerch inezoge.

Chicago

fuer chicago chani nume bilder lo spraeche...

San Francisco

acho z san fran si mr begruesst worde duer saxophon-klaeng wo sech i de laere strasse widerhallt hei. z waetter isch schlaecht gsi, es het gwindet. di ganzi stimmig isch magisch gsi. die stadt het oeppis asech woni nid cha erklaere. es het mir aemu uf ahib gfalle. ig mues saege, dass san fran mit abstand die besti stadt ar westcoast isch, das heist aber ou, dass mi die andere staedt chlei enttuescht hei, hani doch meh erwartet vo kalifornie. da ig mi flug vo san fran uf chicago fuere 25.06 scho buechet ha, hei mir ganzi 7 taeg zur verfuegig gha. am 2te tag si mr uf alcatraz, di legendaeri gfaengniss insle. doerte hei gaengster wie al 'scarface' capone ihri tage abgsaesse. fluchtversuech hets gaeh aber gschaft hets anschinend niemert. bi 3 haeftlinge wo mou si usbroche, bhouptet me, dass sis lebaendig bis az festland gschafft hei, wiu me ihri lichene nie het gfunde. bewise derfuer het me aber keini gfunde. schuesch hei all fluchtversuech mitem tod gaendet, 1tens wils wit isch bis zum festland, 2tens wiu d stroemig starch isch, u 3tens wiu z wasser verdammt chalt isch. es hei ou luet uf dr insle glaebt, d waerter inkl. frou u chind hei uf dr insle ihri wohnige gha. d chind si sogar doerte ufgwachse... nach einige jahr hei sis aber mese schliesse, wius eifach z tuer isch worde.
am naechschte tag hani mi ufe waeg nach north beach (little italy) gmacht, wo sech ide 50er-60er jahre d beat-poets hei ufghalte. i bi iz vesuvio, es restaurant wo sech kerouac u ginsberg vil hei ufghalte u hei lo inspiriere u i bi am ferlenghetti sini buecherei city-lights go duerstoebere.
natuerlich bini ou mit de beruehmte cable-cars mitgfahre, wo me frei ir luft haenget ar site u me up- u downhill duer ganz frisco cha fahre. uesi nachschti station isch d golden-gate bridge gsi, wo ne geniale idruck hinterloht mit dr skyline vo san fran im hintergrund. do gits nume eis wort derfuer: amazing!!
a uesem letschte tag, sonntig 24.06, het z frisco no e schwuleparade stattgfunde, d pride 2007. dr eike, 2 anderi duetschi und ig hei ues die parade nateuerlich uf kei fall choenne lo entgoh. mir hei kei ahnig gha, was ues wird erwarte. was mir de doerte erlaebt/gseh hei, het ues vo de socke ghoue. die ganzi parade isch ueber 3 stund gange, es het ueber 200 zueg gha, u ca. 1'000'000 bsuecher (dervo 80% schwul oder lesbisch). was doerte fuer luet si umegloffe, eifach unvorstellbar, we mes saelber nid gseh het, chames fasch nid gloube. dei si ganz nackt ir gaegend umegrilled u dei hei ues 4ne ou heissi blicke zuegworfe. teiwis hani mi chlei unwohl gfuehlt, es isch aber nuet passiert, ussert dass mr eine a arsch taetscht het :S schuesch isches eifach ei grossi party gsi. es hei all mitgmacht: polizei, fuerwehr, buergermeister usw...nach dr parade hei sech naer all zum konzaert platz begaeh u si doerte umeghange. doert hei mr ou sone abgraenzte platz mitts im getuemmu gfunde, wo fuer jugendlichi unter 27i zuegaenglich isch. dusse isch gstande dass es free-food git, was mir nid hei woelle gloube, mir si go frage wo dass dr hacke isch: es git keine, du darfsch ineh wenn de gaege gwalt, fuer fride, offe gaegenueber neuem u ufgschlosse gaegenueber anderne bisch. das si mr natuerlich alles gsi u hei gratis choenne aesse u trinke.
das het mr wider zeigt, dass me nid all amis i ei topf cha schiesse. so intollerant u begraenzt dei ou si, findet me ou z andere extreme, offeheit u toleranz, wo me sech ou z europa e schibe dervo cheonnt abschnide.
am naechschte tag hani mi flug nach chicago gno, zum jacek, e bekannte wo mini mueter no us de zite kennt wo si z pole glaebt het. er isch scho sit 15 jahr z chicago u het sech gfreut mi choenne z beherberge.